Аммаҕа педагог Эр дьоннор Форумнара

Олунньү 25-27 күнүгэр Аммаҕа VIII-с Республиканскай оскуолаҕа киириэн иннинээҕи оҕолору иитэр уһуйааҥҥа үлэлиир эр дьон педагогтар Форумнара буолла. Барыта Республика улуустарыттан 21 эр киһи педагог кыттыыны ылла. Верхоянскай, Таатта, Нюрба, Үөһээ Бүлүү, Дьокуускай, Мэҥэ Хаҥалас, Амма, Чурапчыттан 6 эр хоһууннара мустан 3 күннээх , таһаарылаах, туһалаах үлэни ыыттылар. Биһиги уһуйааммытыттан шахматка эбии үөрэхтээһин педагога Васильев Николай Николаевич баран кыттыыны ылан кэллэ. Кини улэлии сылдьар “Шахматы детям” проегынан кытынна, ону тэҥэ, “традиционный лук”, “саха ох саата” презентациятын кердерен киэн биһирэбили ылла.

Ол курдук, республиканскай “Я – педагог” конкурска 8 эдэр,эрчимнээх эр киһи кытынна: воспитательлар, физкультура инструктардара, эбии үөрэхтээһин педагогтара, музыкальнай руководителлэр. Кыайылааҕынан Сунтаар улууһун “Чебурашка” уһуйаан иитээччитэ,икки игирэ воспитательлартан биирдэстэрэ, Геннадий Владимирович Иванов буолла.

Форум иһинэн “Введение в педагогическую деятельность оказания первой помощи, безопасности жизнедеятельности детей дошкольного возраста” диэн проблемнай курс буолла. Амма нэһилиэгин кытта спортивнай күрэххэ Форум педагогтара аҕыс көрүҥтэн сэттэтигэр кыайан, кыйыы өрөгөйүн биллилэр. Ону таһынан, Бөтүн нэһилиэгэр благотворительнай улахан концерт ыытан олохоохтоохтор биһирэбиллэрин ыллылар. Киирбит үп ыарахан ыарыыга ылларбыт Бөтүн нэһилиэгин олохтооҕор киирдэ.

Үһүс күнугэр, үгэс буолбут чэрчитинэн,трудовой десант буолан форум кыттыылаахтара 8 игровой площадканы хаартан ыраастаан, оҕо оонньуур, сынньанар условиятын тэрийдилэр.
Амма улууһун администрацията, улуус УУО кыттыылаах “Оскуолаҕа киириэн иннинээҕи оҕону иитиигэ-үөрэтиигэ саҥа сүүрээннэр, проблемалар” диэн төгүрүк остуол буолла.